Romancing with a lateeeee morning

Subah Subah aankh khulne se pehle kisi ne bulaya
Kuch nahi yaar, tahe dil se mere dil ne samjhaya
Par jab panch minute baad fir alarm bola
Aree abhi to soyi thi, maine dil ko tatola

Kitni baar kaha... aapne kabhi nahi jagaya
Uthe ke baad pyar se pati dev ko daant lagaya

Kitna farak hai 7 aur 7 das mein
Ek umr guzar jaati hai isi kash-ma-kash mein

Kitchen mein gayi tu ek aur achambha saamne aaya
Raat ko jo Palak aalo kate the, Mr and Mrs Chinti ne tha bhog lagaya
Chintiyan kab se palak khane lagi, mujhe zor se gussa aaya
Anniversary pe bhi kuch diff na khao, Mrs chinti ne mujhe dekh naak chidhaya

Main bhi kahan kam thi, socha suji ka halwa banaoongi
Fir dheere dheere , mrs chinti ko chida chida bade maje se khaoongi



Khana, kapde tayari .. 6 8 Cheeze ek dum se aati hain pass mere
Boli.... Dekh mujhe pehle nahi kiya tabhi late hui thi kal savere

Roz subah subah waqt se race lag jaata hai
museebat tu yeh use bhi tez bhagna aata hai

Sach kahon ...Kabhi kabhi mere dil mein khayal aata hai
Ek subah jab late ho koi, asi subah se kaise kisi ko itna pyar ho jaata hai
Hue chala jaata hai....